اســـولف حالتــــی المن وشـــــدها
تجی کلیـــوم الف محنه وشـــــدها
احلهـا اصبـحت من توثا وشـــــدها
ابــغربا وســایـرات المــحن بیـــــــه
(عبدالواحد حداد غبیشـــاوی)
التبســم بی سبیت العگل منتب
تسم والأرض بیــــه اتموج منتب
تعـــد لو تعـد شوگک یقــن منتب
عشــر معشار شوگ المـر علیــه
(مله فاضــــل الســــکرانی)
من زغری ابعذاب و ظیم شبیت
و شبـه نار الخلیل ابنــار شبیت
اشیفرق لـو سکنت ابلحد شبیت
الدنیــا ابهلوسع ضــاگت علیـــه
الشاعر المرحوم سید ناصر النوری
رساله من الأخت عاطفه النوری
ابدمع فرحه الکتابک رحبینه
لچن للفــرگه تطحن رحبینــه
الی ســرّ و کتمتـه راحبینــه
اصیـرن عبـتد للینشد علیــه
الشاعر سید شاکر النوری
كان جرح معلقا علي جدائل نخلة وحيدة..
امي ألقت حبلي السري بين منافذ الجرح… فعشقت كل النخيل العنيدة……
لا شان لي بتمور السوق الرخيصة. مازالت نخلتي وحيدة…
يطول العناق عقودا….لكن.. معزوفته مبتورة …الارض و الجرح أيهما عقيمة؟…..
(الشاعره الادیبه مریم کعبی)
الأخـو لو حس أخـــوه ابضیج حسـبه
ولا یــهـمل حسبته الغیـــــر حســــبه
الأخــو موش ابحسب وابگرب حسبه
الأخو احساس و وفا الیوم المنیــــه
(مهدی ابو عبدالله السکرانی)
الوکت خله الإخو ابقسوه یبلح
ابچبدی و سهم المشعب یبلــح
الگلـب بفــراش المنازع یبلــح
عله اضراع الإخو تحله المنیه
الشاعره عاطفه النوری
بعیــون الاحبــه صــرت مبهـــم
و حچوا عن المحنه وأهم مبهم
اگبال اعیونهم ودی اگص مبهم
اگص گلبی السبگنی ابطیب نیه
الشاعره عاطفه النوری
هلــه یلمــانســاک الگلــب مــــره
الجدمک عطش باب البیــت مــره
العشره اخلاف عینک صفت مره
وذا مــره ابوجودک عسـل لیــــه
الشاعر سید شاکر النوری
امعــبه اهـمــوم دلالــــــی شعبـــــی
حــــرت بـــدواه وامحیـــــر شعبـــــی
سهـــــم الصابنــی ابچبـدی شعبــــــی
امن اجره ایجر چبـــدتی اویا ســویـه
(اسماعیل فالح مسعودی)
منقول من دیوان غیرتنه
کل مرض یشفی من الدوا
کل جرح ینشف بالهوا
إلا الهوی!
* * *
کل الم یتأمل شفا
یرجا ال بحین یخففه
إلا الهوی!
* * *
کل ترح یتأمل فرح
حتی ال ألف مره انجرح
إلا الهوی!
* * *
کل بلا تعالج بالزمن
عالجه النسیان ال سکن
إلا الهوی!
* * *
کل ظما تصبر وارتوی
حتی الجدب حتی الجوی
إلا الهوی!
(الشاعرعادل السکرانی21/6/2004)
گلت للدوم الی شــوگی مــلا زم
مــــــولازم تعــــــذبنی مـــــــلا زم
ابزجر وابخزر جاوبنـی مـله زم
گبل لازم رمانی وفتـــک بیـــــــه
(مله فاضــــــل الســـکرانی)
شي اهـــدم من الحسبه شیبنــی
احتوف الــدهر یا صـاحب شیبنی
انحــلت وفــراگ خـلانی شیبنـــی
عگبهـــــم مــایلذ کل طعـــم لیـــه
(مهــــــدی الـــــریحانــــــی)
تـنــانیــر الــوکت بیــــه وگــاده
مامـش هــم کثــــر گلبی وگاده
الشــات أسر ابو خمیس وگاده
لعد المگصبه وساعه اظهـــریه
(عبدالواحد حداد غبیشاوی)
ریحة بخورالهوی الهیمان
هذي ال تهب من هوا الجیران
والهوا ولذّة برد (کانون)
تاخذني بجناحین الظنون
لعیونک الحلوات یافلان
لألگي برحاب عیونک عیون
تسحرالمجنون!
وتهیّم الهیمان یافلان
بالهوی الهیمان!
(عادل السکرانی23/1/2004)
لوکان العهد
عهدالقسيّ والسّهام
رفعت قوس ظهري!
وضعت سهماً فی سرّتي!
جررت وتربطني!
فأصبت قدري اللّعین!
* * *
حزین
أناحزین
کنت حزیناًقبل المهد!
وأظل حزیناً بعداللّحد!
وربّمابعدقدري الحزین!
(عادل السکرانی2008/6/6)
اذا بيدك حجر لاتضرب الناس
عدهه الناس أيد وگاعك حجار
وأذكر بيتك المصنوع من جام
يعني حجارة وحدة يصير طشار
يمر هجرك على كلبي بالف عام
وعليه اليوم بغيابك بالف عام
حبيبي وعهد مابد لك بالف عم
شبدلك ونت اعزمني عليه
aisat.alebi@yahoo.com
الدوه شيفيد للمكسور ***يوسف
وبعد ياركم ينفع بيه*** يوسف
نبي وأخوته ما عانوه***يوسف
أخوتي شلون جا ترحم عليه
انه الشديت جرحك ليش حليت
ومثل حلت مدارس علي حليت
ذكرتك بامتحاني وغلط حليت
شجاوب وانت شاغل حتى اديه
وحك الما وصل واحد مكانة
وتدري شكد الك عندي مكانة
شلت الكلب وصرت انت مكانة
ونبض لبيك هو نفسة النبض بية
الك بايع دليلي وانته حر بيه
اموت اني بجمالك وانتحربيه
افجر كلمن يحبك وانتحر بيه
لان مخصوص حبك بس اليه
احباب النحبهم مارادونا
جفونا وبجفاهم مردونا
ولك صرت طوبة واليلعب بيها مارادونا
مدكولي بعد يا كولجي يلحك علية
حبيبي شلون ما حبك ولا بيك
وامك ما تحن مثلي ولا بيك
عساهن بيه لوعاتك ولا بيك
واحول كل الم منك اليه
aisa.talebi@yahoo.com
السبب مو بالي تدرس بل بستهه
وعطر جوري اشمن بالبستهه
ينشدوني مابسته بل بستهه
وبوستهه لهسه تبوس بيه
صفنتله وضربت اخماس بسداس
وتعبت على البنيته وياك بسداس
صحيح انه لعبت وياك بس داس
غلبتني بطيبتي العمت عليه
حتى كلبة
كلب كلبي يحبك حتى كلبــة
ومنو غيرك اشوفة حتى اكلبة
سجل كلبك اريدة حتى اكلبة
واشوف شكاتب بكلبك عليـة
يكت الدمع من عيني وسيله
وبس البچي صايرلي وسيله
اريد اوصل لمحبوبي وسئله
نساني لو بعد ينشد عليه
انت الجامعه وكل احنه الج طلاب
ويضل بيج العميد الدلع والخفه
تعليمج العالي اقسم عليج ايلوك
بس حسنج بجفه وعلمج ابجفه
اخده النور خدك خدي ريته
واحس جسمي بنظرتك خدريته
الجاي بنار قلبي خدريته
شحلاته يصير من نشرب سويه
هجرت القلم من بعدك والكتاب
ودليلي من العشق بطل والك تاب
وحق العرش والكعبه والكتاب
تضل انت اعز محبوب اليه
سريتوا بالضعن ياترف هاوين
جفيتوني ولعند الغير هاوين
ها ميت يحلو الطول هاوين
حياتي والنظر قبالك عليه
حزني عليك مايبطل وناحي
أسب اللامني بودك ونا حاي
تبات الناس مستوره ونا حاي
ليلي والنجم يشهد عليه
قوم إنصب يصاحب ماتم إلنه
على الوياه ليله ماتم إلنه
لون الرجل يملك ماتمنه
مهو بالهون فركاهم عليه
القباحه دوم من شفاك تنباع
بفلس ماظن بسوق الغنم تنباع
من حجيك غشيم الراي تن باع
وطلعت كلك دغش وسموم حيه
aisa.talebi@yahoo.com
يباري المرض هدحيلي وهدني
ولايوم إبتعد عني وهدني
إرشدني لرحمتك يارب وهدني
طريح فراش والعله خفيه
القلب لا مظهر ولا مال غربه
ولو عمري بحماده إنشتل غربه
ما أحمل بكاع جناب غربه
أحن وأشتاك لهلي بكل مسيه
جزى حد الصبر صبري بلا حد
ونا العايش بحسراتك بلا حد
يهل تذبح بسكينك بلا حد
حرام تعلعل بيديك ضحيه
نحبه وماكعد وياه حظنه
وجني من الدفو حسيت حظنه
انا مارايد طمع بس ردت حظنه
بس من الحظنه شيفكه من اديه
سهام عينك بقلبي حيل شرعا
وسفن حبك بخليج الروح شرعا
وردت مذهب يحلل بوس شرعا
واذا ماكو ارد للجاهليه
أش كثر بجفاك ون قلبي وهم لك
وعقلي غفل فارقني وهم لك
جذب أنساك ياغالي وأهملك
ويظل حبك فرض واجب عليه
بتاج الفرح ولفي توجاني
وأحس ردلي شبابي توجاني
من ورود المحبة توجاني
قلبي الشبع ضيم من الأذيه
aisa.talebi@yahoo.com
عیسی طالبی
بديت أو ماعرفت منين بدواي
عليل وحارت العربان بدواي
إذا أنت طبيب أتعرف بدواي
الحقني بالشفا قبل المنيه
علامات الكبر بانن ولاحن
وخوي المانكسر قلبه ولاحن
بعد ماأنشد أنا عنهم ولاحن
ولاحن بعد بالمالي بيه
أبات الليل بالحسرات منطر
تضل عيني على البيبان منطر
شفت خدها عبالي الفجر منطر
قمت صليت من غصبن عليا
أمس واليوم حلو الطول مامر
وعلى جبدي لذيذ الزاد ما مر
سألت الناس قالو الزين مامر
وأمر من الصبر فرقاه عليا
بهيمن ياظعن شوقي وناخوك
ونادوك على كل محنه وناخوك
عضيدك آنه بالشده وناخوك
واصير احزام ظهرك عالدنيه
اريد اخذ قسط راحه من الراح
بكيت وربعي سئلوني عن الراح
شجلني ما خذت عبره من الراح
ولا بالراح عبره تصير ليه
وحق عيس وحق مريم ولاحد
وبعد ما تهمل عيني على احد
حفر قبري واخذ روحي ولاحد
وقرو الانجيل من صلو عليه
نص احترق من هجرك ونص طاف
وربا حبي بحر شوقك ونص طاف
ياريت المدرسه ترجع ونصطف
وابدلك بالعلم واخذ تحيه
اريد اكصد لحد كلبك وضيفه
واحط حبي على حبك واضيفه
اذا هذا العشك صاير وظيفه
ما اطلع تقاعد للمنيه
عله ايساري الحزن خلة...عالايمان
ورغم ظلمه الوكت اصبح...علي مان
وحق ربي الكلب ينبض...على إيمان
وبلا أيمان متظل روحي بية
aisa.talebi@yahoo.com
تبادل
لینک هوشمند
ورود
اعضا:
<-PollName->
خبرنامه وب سایت:
آمار
وب سایت: